Að fá sér hvolp

Það er ekki alltaf auðvelt að velja sér hvolp.  Það eru allskonar gildrur, góð ráð og upplýsingar geta verið illfáanlegar ef þú veist ekki hvar á að leita þeirra.  Þar sem þú kemur til með að eyða þó nokkuð miklum peningum við kaup á hvolp er það í þína þágu að hafa eins miklar upplýsingar og þú kemst yfir áður en þú ferð að skoða got.  Þar sem þú ert að skoða þessar síður,  er það raunhæft að þú ert annað hvort kollfallin fyrir tegundinni eða hefur áhuga á því að athuga hvort Shih Tzu er rétti hundurinn fyrir þig.   Hægt er að fá mikið magn af upplýsingum á netinu, frá tegundar samtökum, tómstundar heimasíður og svo eru til margar bækur sem hafa verið skrifaðar um Shih Tzu.  Ef þú hefur tíman fyrir þér er gott
að fara á hundasýningu hjá HRFI eða erlendan KC og spjalla við áhugafólk
um Shih Tzu.

Eftir að hafa gert upp hug sinn og ákveðið að fá sér Shih Tzu þarf næst að
huga að því að finna ábyrgan ræktanda.  Vinsældir Shih Tzu hafa aukist
svo til muna undan farin ár, að til eru þeir sem hugsa meira um peningana
en gæði hundana sína eða framtíð tegundarinnar sem slíkri.  Lögin eru ekki þér hliðholl ef þú tekur ranga ákvörðun.  Kaupandi vertu á varðbergi.

Það sem þarf að leita eftir:

Ábyrgur ræktandi mun leitast eftir að rækta bestu hundana með tilliti til heilsu, týpu og geðsslag.  Þeir munu hafa haldgóða þekkingu um tegundina og geta svarað öllum spurningum sem eiga við Shih tzu hunda.  Að öllum líkindum sýna þau hundana sína á sýningum eða hafa geta það áður fyrr og munu vera félagar í einu eða fleirum tegunda tengdum klúbbum.  Flestir klúbbar hafa siðareglur sem meðlimir eiga að fara eftir.  Ábyrgur ræktandi mun alltaf sýna þér móður hvolpana.  Hvolparnir eiga að vera hreinir og móðirin í góðu formi með tilliti til  þess að hún er nýlega búin að ala upp hvolpa hóp.  Ekki er alltaf hægt að fá að sjá rakkann þar sem algengt er að nota hunda í eigu annarra.

Þú  átt að fá matarráðgjöf og heilsufarsvottorð sem sýnir ormahreinsun og sprautur sem hvolpurinn hefur fengið, jafnframt áttu að fá ættbókarvottorð frá Hundaræktarfélagi Íslands svo og upplýsingar um hvar hægt sé að hafa samband við ræktandann eftir afhendingu hvolpsins.  Venjulega eru Shih Tzu hvolpar ekki færðir á nýtt heimili fyrr en þeir eru að minnsta kosti 9 vikna gamlir.  Ábyrgur ræktandi verður til taks með hjálp og ráðgjöf eftir að þú ert búin að kaupa hvolpinn, svo lengi sem þú telur þig þurfa, --svona innan skynsamlegra marka.  Þeir standa einnig með hundunum sínum og eru tilbúnir til að taka við hvolpinum/hundinum aftur eða að minnsta kosti hjálpa þér finna nýtt heimili ef eitthvað fer úrskeiðis eða þú getur ekki hugsað um hundinn.

Það er erfitt að gefa pottþéttar ábyrgðir þegar þú ert að eiga við aðra mannveru en ef þú kaupir Shih Tzu hvolp frá virtum ræktanda, geturðu verið þess fullviss að allt hefur verið gert til þess að rækta heilbrigðan hvolp sem fær stuðning frá manneskju með þekkingu og reynslu af tegundinni á meðan þeir alast upp hjá þér.

          Hvað ber að forðast.      

Aldrei að kaupa hvolp frá fjöldaframleiðandendum stundum kallað Puppy farm, gæludýraverslun, milligöngumanni eða manneskju sem hefur ekki þekkingu af tegundinni.  Við fyrstu sýn getur það virst góður kostur, þú þarft ekki að bíða eftir hvolpinum og gætir jafnvel sparað svolítið í leiðinni.  Þú þekkir jafnvel einhvern sem hefur keypt hund frá fjöldaframleiðanda og ekki lent í vandræðum.  En það er happdrætti,  í flestum tilvikum er enginn hugsun bak við ræktunina, eða hvort ræktunin geti valdið arfgengnum sjúkdómum.  Á meðan geta skilyrðin sem dýrin lifa við verið hreinleg (eða jafnvel ekki) og  alast hvolparnir að öllum líkindum upp við lítil sem engin mannleg samskipti eða samveru við aðra hunda.  Þegar þú ert búin að kaupa hvolpinn, þar hefurðu það – þú ert einn á báti.

Að kaupa hvolp frá manneskju sem hefur litla þekkingu á tegundinni getur líka verið vandamál.  Þar sem það getur verið áhugavert að kaupa hvolp úr goti sem hefur verið ræktað undan tík (sem að öllum líkindum er mikið elskuð) í heimahúsi, átt þú að setja spurningamerki um ástæðu fyrir að vera með got.  Hefur hún raunverulega þekkingu á Shih Tzu?  Eru þau meðlimir í Hundaræktarfélagi Íslands, og eru þau að reyna að öðlast eins mikla þekkingu á tegundinni og þau geta?  Geta þau svarað spurningum þínum á fullnægjandi hátt.  Eru þau tilbúin til þess að standa bakvið hvolpana sína og taka þau aftur ef það koma upp vandamál.  Ef svarið er já, þá ertu að öllum líkindum að tala við ábyrgan ræktanda.

Einnig er gott að leita til stjórn deildarinnar því þau geta gefið þér haldgóðar upplýsingar bæði um tegundina svo og þær ræktendur sem starfa innan deildarinnar og Hundaræktarfélag Íslands.

Tilv. The Shih Tzu Club, U.K.
þýtt af sk.